Яңалыклар

 
Кариев театры Туфан Миңнуллин истәлегенә багышланган театр декадасында катнашты
Октябрьнең 5 еннән 11 енә кадәр Казанда Туфан Миңнуллинның тууына 80 ел тулуга багышланган театр декадасы уза. Камал һәм Тинчурин театры сәхнәсендә татар драматургы әсәрләре буенча куелган 19 спектакль күрсәтелә. Кариевлылар декада кысаларында Г.Камал театрының кече залында «Нигез ташлары» спектакле белән чыгыш ясады. Тамашачылар артистларның чыгыш бик яратты, аягүрә басып алкышлады. Т.Миңнуллин әсәрләре беркайчан үз актуальлеген югалтмаячак, алар мәңгелек!
 
Гомер бәйрәмегез котлы булсын!
ОКТЯБРЬ.  01 — Лилия Мортазина   08 — Яна Балеева   10 — Ләлә Зәйнуллина   11 — Ранил Гарипов   14 — Марат Сәхибгәрәев   15 — Алия Латыйпова   15 — Илнар Юсупов   27 — Римма Шакирова. Сезне гомер бәйрәмегез, туган көнегез белән тәбриклибез!  
 
Г.Кариев театры 29нчы яңа сезонын ачты (фото)
 
Казан татар дәүләт яшь тамашачы театры яңа 29 сезонын 1 октябрьдә “Айрыз Батыр” спектакле белән ача.
Габдулла Кариев исемендәге Казан татар дәүләт яшь тамашачы театры  яңа  29 сезонын 1 октябрьдә “Айрыз Батыр”  спектакле белән ача. Спектакль 12нче гасырда язылган “Коркут бабай китабы” бөек төрки халкының әдәби мирасына  нигезләнеп эшләнгән.  Сезон ачылу тантанасына Халыкара өлкәннәр  декадасы уңаеннан  гомер көзенә аяк баскан, якыннарыннан, тирә-юньдәгеләрдән җылылык көтүче һәм театрда эшләп  лаеклы ялга чыккан хезмәт ветераннары, өлкән  буын вәкилләре дә чакырулы. Һәрвакыт яңалыкка омтылучы кариевлылар яңа сезонда яшь тамашачыларын да кызыклы проектлар, яңа тамашалар белән сөендерергә ниятли. Хөрмәтле журналистлар! Сезне 1 октябрьдә 14.00 сәгатьтә “Әкият” балалар үзәгендә  (Петербург урамы, 57 нче йорт, 1нче кат)  көтәбез! 
 
Фильм “Белые цветы” удостоен специального приза мусульманского кинофестиваля.
В фильме "Белые цветы" по роману Г.Абсалямова снимались и актеры театра имени Г.Кариева: Нуриахмет Сафин, Халида Сунгатуллина, Рамзия Закирзянова, Ильфат Камалиев, Гульназ Галиуллина, Алия  Файзрахманова, Лилия Низамиева. Режиссер фильма Ренат АЮПОВ.
 
Кариев театры Чуваш республикасында гастрольләрдә!
Кариев театры Чуваш республикасында гастрольләрдә! Сентябрьнең 14 - 18нә кадәр, Г. Кариев исемендәге яшь тамашачы театры, Чуваш республикасына гастрольләргә китә. Яшь тамашачы театры артистлары Батыр һәм Комсомол районнарында чыгыш ясый. Кариевлылар Рафис Корбанның “Керпе малае дуслар эзли” спектаклен тәкъдим итә. Яшь тамашачы театры үз гастрольләрен 14 сентябрьдә Татарстанның Кайбыч районыннан башлый. Чуваш республикасыннан кайтканда әлеге спектакльне Чүпрәле районы тамашачылары да күрә ала.
 
Туган көнегез котлы булсын!
Сентябрь 05-Галиева Лидия, 09- Краснова Алевтина, 13-Мартынов Евгений. Сезне туган көнегез белән котлыйбыз! Көчле рухлы, кешелекле, юмарт һәм ярдәмчел, бәхетле һәм сәламәт булыгыз! Уй-теләкләрегез, туар таңнарыгыз тыныч, саулыгыгыз ныклы, гомерегез бәхетле булсын! Тазалык, озын гомер, ак бәхетләр белән мул тормышта яшәвегезне телибез!
 
Кариев театры Туфан Миңнуллинны искә алды (фоторепортаж)
25 августта Россиянең атказанган сәнгать эшлеклесе, Г. Тукай исемендәге дәүләт премиясе лауреаты, Татарстанның халык язучысы, татар халкының мәшһүр драматургы Туфан Миңнуллинның тууына 80 ел тулды. Шул уңайдан, Казанның Яңа Татар бистәсе зиратында мәрхүмнең каберенә чәчәкләр салып, аны искә алу чарасы узды. Чарада Г.Кариев ис. Казан татар дәүләт яшь тамашачы театры да катнашты.
 
Кариев театры – Мөслимдә!
Г. Кариев ис. Казан татар дәүләт яшь тамашачы театры жәйнең соңгы көннәрен тыгыз эш графигы белән тәмәмлый. Республика көнен бәйрәм итү һәм сайлау алды кампаниясе уңаеннан 17-21 августта кариевлылар Мөслим районы авыллары буенча гастрольләрдә булды. Туйгилде, Тугаш, Карамалы авылларында Илдар Юзиев әсәре буенча куелган “Улыбыз өйләнә, без аерылышабыз” спектаклен күрсәтте. Авыл халкы тыгыз урып-җыю эшләре вакыты булуга карамастан, кариевлыларның музыкаль комедиясен карап ял итте. Республикабыз башкаласыннан еракта урнашкан районда артистлар еш булмый. Шуңа да тамашачылар артистларга сораулар бирделәр, көчле алкышларга күмделәр, Рәхмәт хаты белән бүләкләделәр.
 
Котлыйбыз!!!
АВГУСТ. 02—Сөнгатуллина Халидә, 03-Мирзаханова Гүзәл, 05-Федотова Светлана, 10- Бариев Рәдиф, 13-Сабирова Алсу,21-Калимуллин Фәнис. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, ак бәхетләр телибез. Киләчәгегез җыр кебек матур, кояш кебек якты булсын! Гел шатлыкта, гел муллыкта Үтсен Сезнең көннәрегез. Август ае алмасыдай Балкып торсын йөзләрегез. Иң изге теләкләр белән театр коллективы.
 
“Мәктәпкә җыенырга булыш!” акциясенә Г.Кариев театры да катнашты(фоторепортаж)
Татарстанда “Мәктәпкә әзерләнергә булыш!” хәйрия акциясе бара. Әлеге акция уңаеннан Габдулла Кариев исемендәге Казан татар дәүләт яшь тамашачы театры коллективы Саба районы Явлаштау авылында бәйрәм оештырды. Кариевлылар белем дөньясына тәүге тапкыр аяк басучы сабыйларга балачак тәмен тоеп, иркенләп белем алырга үз өлешен кертте.
 
Юбилеегыз белән, Сезне!
Хөрмәтле СӨНГАТУЛЛИНА ХАЛИДӘ МӘГЪФУРЬЯН кызы! Сез безнең хезмәт коллективында тыйнак, төгәл, таләпчән һәм искиткеч гүзәл елмаюыгыз белән аерылып торасыз! Сезне 2 августа булган 50 яшьлек гомер бәйрәмегез белән чын күңелдән тәбриклибез. Сезгә теләкләрнең иң изгесен, иң сафын юллыйбыз. Җаныгыздагы йолдызлар балкышын сүндермичә, күңелегездәге яшәүнең алкышын киметмичә, сәламәтлек дәрьясында коенып яшәвегезне телибез. Киләчәктә дә ныклы сәламәтлек, уңышлар, гаилә бәхете, шатлыклар телибез! Хатын-кыз сез – Бу дөньяның йөзек кашы, Бәһа җитмәс Иң кыйммәтле асылташы. Горур да сез Тау кыядай, буй җитмәслек Гүзәл дә сез Бер гөлгә дә тиңләшмәслек.
 
Кариев театры Арчада булды (фоторепортаж)
Г. Кариев исемендәге Казан татар дәүләт яшь тамашачы  театры артистлары җәен да кызыклы тормыш белән яши. Республикабызның табигать кочагында урнашкан җәйге сәламәтләндерү лагерьларында, балалар бакчаларында, парк-скверларда  чыгыш ясыйлар.
 
Гомер бәйрәмегез котлы булсын!
Июль. 1-Дәлбәрия Сөләйманова , 4-Илдар Шагимәрданов, 7- Гөлназ Галимуллина, 11-Александр Журавлев, 16 - Лилия Салахова, 26 – Роза Апчикова , 30 - Фәнис Яруллин. Сезне чын күңелдән гомер бәйрәмегез белән котлыйбыз. Сезгә нык сәламәтлек, күңел тынычлыгы, гаилә шатлыгы, кайгы-хәсрәтсез көннәр, якыннарыгызның күңел җылысын тоеп, игелекләрен күреп, бәхетле озын гомер кичерүегезне телибез. Киләчәгегез җыр кебек матур, кояш кебек якты булсын!
 
Туган көнегез белән!
  Июнь. Сезне туган көнегез белән котлап, иң изге, якты, матур теләкләребезне юллыйбыз. Көчле рухлы, кешелекле, юмарт, ярдәмчел, бәхетле һәм сәламәт булыгыз!