Кариев театры - ВКонтактеда группа Кариев театры - Инстаграмда группа


АФИША - НОЯБРЬ

АФИША - ДЕКАБРЬ

 

Яңалыклар

 
Котлыйбыз!!!
 Февраль салкыннарында туган булсагыз да, дусларыгызга җылылык бирә торган кайнар йөрәгегезгә тагын да көч-куәт өстәлсен. Кышкы тәрәзәләрдәге бизәкләрдәй, күңелегез тыныч, йортларыгыз имин, саулыгыгыз нык булсын. Ак бәхетләр сезгә!
 
Кариевлылар балалар йортында
Габдулла Кариев исемендәге яшь тамашачы театры изге эш эшләүдән туктамый. Ел дәвамында кариевлылар балалар йортларында, мөмкинлекләре чикләнгән интернатларда тәрбияләнүче балалар каршында хәйрия спектакльләре куя. Чираттагы игелекле чара белән кариевлылар Казанның Яңа Савин районында урнашкан республикакүләм махсуслашкан балалар йортында булды. Бу мәрхәмәтле йортта әти-әни назыннан мәхрүм калган ятим, авыру балалар 4 яшькәчә тәрбияләнә. Биредәге ак халатлы шәфкать туташлары балаларны төрле сырхаулардан дәваласа, Г. Кариев театры күрсәткән "Керпе малае дуслар эзли"(Р.Корбан) спектакле геройлары: керпе, аю, төлкеләр аларның күңелләренә рухи көч, сихәт өстәде, чын дуслык үрнәген күрсәтте. Игелекле эшләр эшләү-һәрчак рәхәт. Әмма, һәр балага үз әти-әнисенең газизе һәм кадерлесе булып яшәргә язсын иде!
 
Кариев театры Азнакай районына гастрольгә китә
Г. Кариев исемендәге Казан татар дәүләт яшь тамашачы театры 21-25 гыйнварда Азнакай районында иҗат сәфәрендә була. Азнакай тамашачыларына  бу  театр сезонының   премьерасы  - «Кичер мине, әнкәй!» Р.Батулла  спектакле тәкъдим ителә.
 
Ренат Әюпов – Дамир Сиражиев исемендәге премия лауреаты!
Г. Камал исемендәге Татар дәүләт академия театры бинасында татар театрының 109 еллыгы уңаеннан Дамир Сиражиев исемендәге Җәмәгатьчелек премиясен тапшыру тантанасы булды. Әлеге бүләк татар театр сәнгатен үстерүгә, милли һәм һәм региональ дәрәҗәдә, әдәбият, театр сәнгате һәм кино сәнгате өлкәсендә югары танылу тапкан шәхси иҗат эшләре тудыруга керткән зур өлеш өчен бирелә. Татарстанның атказанган сәнгать эшлеклесе, Россия Федерациясенең атказанган артисты Г.Кариев театрның баш режиссеры Ренат Әюповны Дамир Сиражиев исемендәге премия алуы белән чын күңелдән котлыйбыз!
 
Кариев театры Самарага бара
Габдулла Кариев исемендәге яшь тамашачы театры 27 декабрьдә Самараның “Чайка” мәдәният сараенда «Нардуган», ягъни Чыршы бәйрәмендә катнаша. Җырлы-биюле яңа ел тамашасы Кариев театры алып килгән “Ак Барс маҗаралары” спектакле белән тәмамлана. Ә төштән соң, кариевлылар өлкән яшьтәге тамашачылар өчен «Көзебезнең язы» спектаклен тәкъдим итә.
 
Кариев театры Пермь краенда гастрольләрдә!
Габдулла Кариев исемендәге Казан татар дәүләт яшь тамашачы театры Пермь өлкәсе районнарына гастрольләргә җыена. Кариев театры коллективы, пермьлеләргә Илдар Юзеевның “Улыбыз өйләнә, без аерылышабыз” спектаклен тәкъдим итә. Нәни тамашачылар Рафис Корбанның “Ак Барс маҗаралары” спектаклен тамаша кыла ала.
 
Хәйрия спектакле
Габдулла Кариев исемендәге Казан татар дәүләт яшь тамашачы театры үзенең игелекле эшләр традициясен дәвам итә. Инвалидлар декадасы кысаларында 8 декабрь көнне Г. Кариев театры артистлары Казанның “Әкият” балалар үзәгендә Т.Миңнуллинның «Нигез ташлары»  спектаклен күрсәтте.
 
Котлыйбыз!!!
ДЕКАБРЬ. Кадерле хезмәттәшләребез! 1-Гайзуллина Альбина, 2-Загидуллина Гөлшат, 6-Зәйнуллина Лилия, 7-Галиуллин Ринат, 10-Закирова Алсинә, 13-Зиннәтова Диләрә, 13-Фәйзрахманова Алия,15-Сафин Нуриәхмәт, 15-Низамиева Лилия, 17-Фатхрахманов Айдар, 27-Габдрахманова Фәния. Сезгә аяз күк йөзе, корычтай нык сәламәтлек, кояштай озын гомер, чиксез шатлыклар телибез.
 
Кариевлылар Башкортстанда
Габдулла Кариев исемендәге Казан татар дәүләт яшь тамашачы театры иҗади сәфәргә - тугандаш Башкортстан Республикасына җыена.
 
Кариев театры юл һәлакәте корбаннарын искә алу чарасында катнашты
Казанның “Баскет-холл” спорт комплексында юл һәлакәте корбаннарын искә алу көне узды. Ул БМОның генераль ассамблеясы карары нигезендә ноябрьнең өченче якшәмбесендә юлда транспорт фаҗигаләрендә корбан булганнарны искә алу һәм юл хәрәкәте иминлеген тәэмин итү өчен оештырыла.  Әлеге чарада Г.Кариев театры да катнашты.
 
Кариевлылар Фәрит Нигъмәтуллинны искә алды
  Г.Кариев театры артисты, монтажлау цехы җитәкчесе Фәрит Фарият улы Нигъмәтуллинның вакытсыз арабыздан китүенә бер ел тулу  уңаеннан аның якты истәлегенә багышлап   туган ягы - Мари Иле Республикасының Бәрәңге районы, Куян авылында искә алу кичәсе үткәрде. Авыл мәдәният йортында  ул уйнаган  “Тутык кыңгырау”  (Ф.Галиев) кинофильмы күрсәтелә. Соңыннан авыл халкы “Улыбыз өйләнә, без аерылышабыз” (И.Юзеев)  спектаклен карый ала.
 
Бездә премьера!!! (фоторепортаж)
Г. Кариев исемендәге Казан татар дәүләт яшь тамашачы театрында  Рабит Батулла әсәре буенча сәхнәләштерелгән “Кичер мине, әнкәй!” спектакленең премьерасы узды.  Спектакльдә  Миңзифа ролендә Татарстанның  атказанган артисты, театрның әйдәп баручы артистларының берсе Халидә Сөнгатуллина уйный. Әсәр аның 50 яшьлек юбилее уңаеннан махсус сәхнәләштерелде.
 
 
Туган көннәрегез котлы булсын!
НОЯБРЬ. 02-Закирова Люция, 03-Нәҗипова Гүзәлия, 13-Гыйбадуллин Илфат, 13-Кәлимуллина Мөсәвәрә, 16-Орехова Гүзәл. Туган көнегез  белән котлыйбыз! Киләсе көннәрегез сезгә бары куанычлар, шатлыклар гына алып килсен. Җаныгызның ― тынычлык, тәнегезнең ― саулык, тормышыгызның ― муллык белән ташып торуын  телибез. Алга таба да шатлыкта, куанычта, бәхеттә яшәргә язсын!
 
Кариев театры Сарытауга китә
2014 елдан башлап “Театр – Ватанны саклаучыларга” дигән проект кысаларында  Туфан Миңнуллинның “Нигез ташлары” белән күп кенә хәрби частьләрдә булып, Россиянең төрле төбәкләрендә Армия сафларында хезмәт итүче якташларыбызга спектакльләр күрсәтте. 2015 елда Свердловск, Екатеринбург, Ульяновск өлкәләрендә һәм Марий Эл республикасында,  Крым,  Севастополь, Симферополь, Бахчисарай шәһәрләрендә булды. 30 – октябрьдә кариевлылар республиканың “Патриот” спорт-патриотик һәм хәрби хезмәткә әзерлек  үзәгеннән “Көзебезнең язы” (Р. Шәриф) спектакле  белән яшь солдатларны  армияга озатты. Ә 4-9 ноябрьдә кариевлылар Сарытау өлкәсенә үзләре солдатлар белән очрашуга китә: 4 ноябрь – Шихан 5 ноябрь – Сарытау 6 ноябрь – Балаково 7 ноябрь – Яковлевка 8 ноябрь – Верхазовка, Татищево бистәсе 9 ноябрь – Юрүзән.