Яңалыклар

 
Ширбәт ае Кариев театрында “Ширбәт ае” (“Медовый месяц”) дәвам итә!
Хөрмәтле тамашачыларыбыз! "Ширбәт ае" дип исемләнгән, Х.Ибраһим тәрҗемәсендәге комедияне тамашачыларыбыз бик ошатты. Шуңа күрә дә әлеге спектакльне Кариев театры сәхнәсендә инде бүген (10.03.2017) яңадан күрергә була! Гаиләгез ныклы булсын, төрле сынауларга бирешмәсен дип телисез икән, әлеге спектакль - нәкъ сезнең өчен! Һәркайсыгызның гаиләсенә бәхет-шатлык телибез! Спектаклебездә көтеп калабыз. Башлана - 18 сәгать 30 минутта.
 
Галиябану Габдулла Кариев театры сәхнәсендә – “Галиябану”!
Хөрмәтле тамашачыларыбыз! Бүген, 9 март көнне, Габдулла Кариев театры сәхнәсендә - Мирхәйдәр Фәйзинең "Галиябану" мелодрамасы!!! Габдулла Кариев театры репертуарында әлеге әсәр - 2009 елдан бирле. Спектакльнең режиссеры – Россиянең атказанган артисты, Татарстанның атказанган сәнгать эшлеклесе Ренат Әюпов. Әлеге әсәр - татар драматургиясенең йөзек кашы! Саф мәхәббәт турында булган әлеге сәхнә әсәре мәктәпләрдә укучылар тарафыннан да, сәхнәләрдә үзешчәннәр тарафыннан да, профессиональ артистлар тарафыннан да даими уйналып килә. Габдулла Кариев театрының профессиональ артистлары уйнавында әлеге мелодраманы карарга сезне бүген - 9 март көнне 18 сәгать 30 минутта көтеп калабыз.
 
Халыкара хатын-кызлар көне 8 нче март – Халыкара хатын-кызлар көне белән!
Хөрмәтле хатын-кызлар! Габдулла Кариев театры коллективы сезне чын күңелдән язның беренче зур матур бәйрәме - Халыкара хатын-кызлар көне белән котлый. Сезгә ак бәхетләр, шатлыклар, саулык-сәламәтлек, гаилә бәхете телибез. Тормышларыбыз матур, күкләребез аяз булсын!
 
Зөлфия Габделхай кызының Бүген Зөлфия Габделхай кызының гомер бәйрәме – туган көне!
Бүген, 7 март көнне, театрыбызның алыштыргысыз кассиры Касыймова Зөлфия Габделхай кызының гомер бәйрәме - туган көне! Габдулла Кариев театры коллективы исеменнән Зөлфия ханымны туган көне белән котлыйбыз. Аңа ныклы сәламәтлек, эшендә уңышлар, ак бәхетләр һәм гаилә бәхете телибез; балаларының һәм оныкларының бәхетен күреп, сөенеп яшәргә язсын. Әлеге шигыребезне туган көн бүләге итеп кабул итеп ал!
 
Көзебезнең язы Габдулла Кариев театрында язгы сезон ачылды!
Хөрмәтле тамашачыларыбыз! Габдулла Кариев театрында язгы спектакльләр сезоны ачылды. Театрыбыз сәхнәсендә саф мәхәббәткә, сөюгә багышланган спектакльләр башланып китте. Инде иртәгә, 2 март көнне, сезне "Көзебезнең язы" (Раушан Шәриф) дип исемләнгән мелодрама көтә. Ә 9 март көнне сәхнәбездә репертуарыбызда булган иң матур әсәрләрнең берсе - "Галиябану" спектакле уйналачак! Сезне тамашаларыбызда көтеп калабыз! Билет бәясе - нибары 250 сум! 
 
Бүген Кариев театры артисты Хәбибуллина Рузаннаның туган көне!
Бүген, 27 февраль көнне, театрыбызның яшь, талантлы артисты Хәбибуллина Рузанна Наил кызының туган көне. Рузанна! Сине чын күңелебездән туган көнең белән котлыйбыз, сиңа иҗади уңышлар, яңа үрләр яулавыңны, саулык-сәламәтлек, гаилә бәхете теләп калабыз!
 
"Бүре һәм кәҗә" Кариев театры 28 февраль көнне балаларны “Бүре һәм кәҗә” әкиятенә чакыра
Хөрмәтле тамашачыларыбыз! 28 февраль көнне Габдулла Кариев театрында балалар өчен "Бүре һәм кәҗә"дип исемләнгән музыкаль әкият (Рафис Корбан әсәре буенча) тәкъдим ителәчәк. Билет бәясе - нибары 100 сум! Әкият 14:00 сәгатьтә башлана. Соңга калмагыз!
 
«Нигез ташлары» Туфан Миңнуллин Туфан Миңнуллинның “Нигез ташлары” – Кариев театры сәхнәсендә!
Хөрмәтле тамашачылар! Иртәгә, 22 нче февраль көнне, Габдулла Кариев театры сәхнәсендә Туфан Миңнуллинның "Нигез ташлары" әсәре сәхнәләштерелә. Спектакльнең премьерасы 2012 елның 23 нче мартында булган иде. Шушы көннән башлап әлеге мелодрама Кариев театры репертуарына ныклап кереп калды. "Нигез ташлары"н бер генә түгел, берничә мәртәбәләр килеп караучы тамашачыларыбыз  да булуы безне шатландыра. Вакыт табып барлык тамашачыларыбызга Туфан Миңнуллинның "Нигез ташлары" мелодрамасын карарга тәкъдим итәбез. Спектакль 18 сәгать 30 минутта башлана. Билет бәясе - 250 сум!
 
Туган көн белән котлау Габдулла Кариев театрында – туган көннәр!
Бүген Габдулла Кариев театрында берьюлы ике кеше туган көннәр билгеләп үтә. Аның берсе - театрыбызның дизайнеры Мусабирова Розалина Мирсаяф кызы, икенчесе - костюмнар тегү цехы мөдире Никитина Әлфия Рафаил кызы. Сезне чын күңелдән туган көнегез белән котлый. Сезгә саулык-сәламәтлек, гаилә бәхете, эшегездә уңышлар телибез, тормышыгының бәрәкәтен күреп, озын-озак гомер итәргә насыйп булсын! 
 
Гашыйклар утравы Биектау районында – “Гашыйклар утравы”
Хөрмәтле тамашачыларыбыз! 20 нче февраль көнне Габдулла Кариев театры артистлары Биектау районының Дөбьяз авылы Мәдәният йортында Рәдиф Сәгъдинең “Гашыйклар утравы” комедиясен күрсәтә. Рольләрдә Биектаулыларның якташлары – Татарстанның атказанган артисты Илфат Камалиев һәм артистка Альбина Гайзуллина һ.б. бар! 
 
Эльмира Латыпованы туган көне белән котлыйбыз!
Февраль ае туган көннәргә бай дип әйткән идек инде. Бүген - Габдулла Кариев театрының костюмеры, артистларны әзерләп сәхнәгә чыгаручы һәм халыкка танытучы хезмәткәребез Латыпова Эльмира Мәүлет кызының туган көне - 45 яшьлек юбилее!
 
Гашыйклар утравы Кариев театры сәхнәсендә – “Гашыйклар утравы”!
Хөрмәтле тамашачыларыбыз! Кариев театрында "Мәхәббәт көннәре" әле тәмамланмады. Гашыйклар өчен бүген сәхнәбездә чираттагы күңелле спектакль - "Гашыйклар утравы" комедиясе (12+)! Әлеге спектакль тамашачыларыбыз күңелен яулый бара. Спектакль бәйрәм көннәре уңаеннан сәхнәбез түреннән төшми. Спектакльне рус теленә синхрон тәрҗемәдә дә тыңлап карап була. Рәхим итегез! Билет бәясе - 250 сум. Спектакль 18:30 сәгатьтә башлана.
 
Мәхәббәт көннәре Габдулла Кариев театрында – “Мәхәббәт көннәре”!
Дуслар! Яшьләр! Яшь парлар! Яшь парлар гына түгел, мәхәббәт утын озын-озак еллар саклап, аның кадерен белгән тамашачыларыбыз! Нәкъ менә сезнең өчен Габдулла Кариев театрында "Мәхәббәт көннәре"! - 14 февраль - "Ширбәт ае" ("Медовый месяц"); - 16 февраль - "Гашыйклар утравы" ("Остров влюбленных").
 
Гашыйклар утравы - фото Кариев театры Татарстан егетләренә һәм башка хәрбиләргә “Гашыйклар утравы” комедиясен күрсәтте
Хөрмәтле тамашачыларыбыз! Габдулла Кариев театрының “Театр – Ватанны саклаучыларга” проекты кысаларында Алкино поселогында урнашкан 63494 номерлы хәрби частьтә хезмәт итүче Татарстан егетләренә һәм башка солдатларга, офицерларга “Гашыйклар утравы” (Р.Сәгъди) комедиясе күрсәтәчәген без хәбәр иткән идек инде. Бүген сезгә әлеге чыгышларыбыздан фоторепортаж тәкъдим итәбез.
 
Яруллина Энҗе Кариев театры Бүген Яруллина Энҗебезнең туган көне!
Февраль ае - Габдулла Кариев театрында туган көннәргә бай ай: 8 февраль – ЯРУЛЛИНА ЭНҖЕ МӨДӘРИС КЫЗЫ, артистка 17 февраль - ЛАТЫПОВА ЭЛЬМИРА МАҮЛЕТ КЫЗЫ, костюмер 19 февраль - НИКИТИНА ӘЛФИЯ РАФАИЛ КЫЗЫ, костюмнар тегү цехы мөдире - МУСАБИРОВА РОЗАЛИНА МИРСАЯФ КЫЗЫ, дизайнер 25 февраль - САЛАВАТУЛЛИНА ФӘРИДӘ ГАБДЕЛХАК КЫЗЫ, уполномоченный 50 яшьлек юбилей - КАРПУХИНА ЭЛЬВИРА ФАРРУХ КЫЗЫ, труппа мөдире 27 февраль - ХӘБИБУЛЛИНА РУЗАННА НАИЛ КЫЗЫ, артистка