Май афишасы

Афиша - май
Кариев театры - ВКонтактеда группа Кариев театры - Инстаграмда группа
 

Матбугат

 
 
АЛИЯ ФӘЙЗРАХМАНОВА Алия Фәйзрахманова: “Ул минем җүләр чагымны сагына”
Дөнья яралганнан бирле мәхәббәт турында җырланган җырларны бергә тупласаң – калын-калын томнарга сыймас иде. Халык зирәк, халык тапкыр, әлеге хисне белдергәндә нинди генә тирән мәгънәле сүзләр уйлап тапмаган. Мәсәлән, сиңа күкләр тарафыннан тәгаенләнгән хәләлеңнең кайчандыр бер каршыңа килеп басачагын ул болай дип тә сурәтләгән: Суга салсаң – судан калкыр, Безгә дигән насыйп яр…
 
Альбина Гайзуллина Альбина Гайзуллина: Мәхәббәтем якты маяк төсле…
Мөгаен, һәрбер Галиябану үзенең Хәлиле турында хыялланадыр. Әлбәттә ул аны шул әсәрдәге каһарман кыяфәтендә күз алдына китерә. Тик кайсы заманда да мәхәббәт бер үк бит инде: аның эчтәлеге яратудан гыйбарәт... Г.Кариев исемендәге Казан Татар дәүләт яшь тамашачы артисткасы Альбина Гайзуллина да шул фикердә. Йә, үзен тыңлап карыйк...
 
"Супер кияү" спектакле Кариев театрында “Супер кияү” спектакле премьерасы булды
25 май Казанда Кариев исемендәге яшь тамашачылар театрында "Супер кияү" спектакле премьерасы узды. Театрның хореогрофы Нурбәк Батулла ялгызлык, хатын-кызлар проблемасын пластик күренешләр, альтернатив музыка аша күрсәтте. Премьера Туфан Миңнуллинның "Алты кызга – бер кияү" комедиясенә нигезләнеп куелган. Тамашачыларн кызыксындырган төп сорау - ни өчен әсәрнең исеме "Супер кияү"? Бу рольне халык артисты Нуриәхмәт Сафин башкара. Спектакль Нуриәхмәт аганың 70 яшьлек юбилее уңаеннан да сәхнәләштерелгән икән.
 
Супер кияү Нуриәхмәт Сафин Бүген Кариев театрына нигез салучы легендар актер Нуриәхмәт Сафин “өйләнә”!
Кариев театрына нигез салучы легендар актер, Россиянең атказанган, Татарстанның халык артисты Нуриәхмәт Сафинның юбилей кичәсен театр яңа сезонда, яңа сәхнәдә үткәрәчәк һәм Нуриәхмәт Сафинны өр-яңа образда тәкъдим итәчәк. Габдулла Кариев исемендәге Казан татар дәүләт яшь тамашачы театры Туфан Миңнуллинның “Алты кызга бер кияү” пьесасы буенча куелган “Супер кияү” спектакле белән бүген 29 нчы сезонын яба. Кичә әлеге спектакль журналистларга тәкъдим ителде.
 
Мансур Ярмиев Кариев театрының спектаклен Чибәркүлдә Сергей Шойгу караган
Габдулла Кариев исемендәге Казан татар дәүләт яшь тамашачы театры быел “Татар театры – солдатларга” проекты кысаларында 30 меңгә якын солдатка татар спектакле күрсәткән. Баштарак театр солдатларга үз реперуарындагы иң яхшы спектакльләрне, нигездә Туфан Миңнуллинның “Нигез ташлары”н күрсәтсә, быел әлеге проект өчен драматург Рәдиф Сәгъдинең “Гашыйклар утравы” спектакле махсус куелды.
 
Матбугат конференциясе Матбугат конференциясе: Габдулла Кариев театры яңа сезонны яңа сәхнәдә башларга өметләнә
Габдулла Кариев исемендәге Казан татар дәүләт яшь тамашачы театры яңа сезонны яңа сәхнәдә башларга өметләнә. “Фасад белән сәхнәне генә эшләп бетерәсе калды. Акча мәсьәләсенә бәйле булгач, кистереп кенә әйтү дә кыен, әле тагын күпме акча кирәк булачагын саныйбыз. Без быел бинабыз булыр дип ышанып торабыз”, - диде театр җитәкчелеге катнашында сезон ябылу уңаеннан уздырылган матбугат конференциясендә директор Мансур Ярмиев. Ул балалар өчен спектакльләр куйган театрның иминлек мәсьәләсенә таләпләре зур булуын да ассызыклап әйтте.
 
«Тантана» премияләре ияләренә тапшырылды
Татарстан Республикасы Президенты каршындагы Мәдәниятне үстерүгә ярдәм күрсәтү фондының махсус бүләге белән Бөгелмә рус драма театрыннан «Иң яхшы режиссер эше» дигән төрдә Рөстәм Фәйзрахманов бүләкләнде. «Сәхнә» журналының махсус бүләгенә Туфан Миңнуллинның «Ак тәүбә, кара тәүбә. Безнең көннәр» комедиясенең заманча укылышы өчен Кәрим Тинчурин исемендәге Татар дәүләт драма һәм комедия театры режиссёры Резедә Гарипова ия булды. «Үзгәреш җиле» Татар җыры фестивале» проектын уңышлы тормышка ашырулары өчен Рәүфәл Мөхәммәтҗанов җитәкчелегендәге Татар дәүләт опера һәм балет академия театры коллективы бүләкләнде. «Иҗади үсеше өчен» махсус номинациясенә – Яшел Үзән музыка театры, Түбән Кама яшь тамашачы театры, Динара Әхмәтова (Минзәлә театры) лаек дип табылды.
 
Ренат Әюпов - Алтын кош Яңа мюзикл Кариев театрының визиткасына әверелергә тиеш – Ренат Әюпов
Габдулла Кариев исемендәге Казан татар дәүләт яшьләр театрында татар әдәбияты классигы һәм XIX гасыр мәгърифәтчесе Каюм Насыйриның «Әбугалисина» әсәре буенча спектакль куюга керешкәннәр. Әлегә спектакль «Алтын кош» исемен йөртә.
 
“Былбыл булып елан чакты мине…”
05.01.2017 | Берсеннән-берсе мөлаем, ягымлы татар картларының үрнәген күрәсең килсә, Татарстанның халык, Россиянең атказанган артисты Нуриәхмәт Сафин уйнаган спектакльләрне карау җитә. Үзенең ярты гасыр иҗат гомерендә ир-егетләрне дә бик оста гәүдәләндерде ул. Артист «Намус хөкеме» спектаклендә – профессор Арсланов, «Ак тәүбә, кара тәүбә»дә – Ризван, «Яшь йөрәкләр»дә – Галимҗан, «Нигез ташлары»нда Гарифулла кебек күп кенә рольләре белән тамашачы күңеленә кереп калды.
 
Кариев театрында “Кар патшабикәсе бал”ы башланды
20 декабрь 2016, 20:24 , Фото: Салават Камалетдинов Яшь тамашачы театры Яңа ел алдыннан 10 000 балага бәйрәм ясаячак. (Казан, 20 декабрь, “Татар-информ”, Рузилә Мөхәммәтова). Казанда Г.Кариев исемендәге Яшь тамашачы театры бүген Яңа ел тамашаларын башлап җибәрде. Артистлар ике төркемгә бүленеп, бер төркем стационарда “Кар патшабикәсе өчен бал” спектаклен уйнаса, икенче төркем Шамил Фәрхетдиновның “Кышкы әкият”е белән республика мәктәпләрендә һәм балалар бакчаларында йөри.
 
Әчкелтем дә, төчкелтем дә…
03.11.2016 09:18 | Сәхнә биеклегендә калу Г.Кариев исемендәге Татар дәүләт яшь тамашачы театры узган атнада яңа премьерасын тәкъдим итте. Рәдиф Сәгъ­динең «Гашыйклар утравы» әсәрен театрның баш режиссеры, Россиянең атказанган артисты Ренат Әюпов сәхнәләштерде.
 
Ренат Әюпов яшьләр өчен иң яхшы спектакль режиссеры булып танылды
Мәдәният 24 сентябрь 2016, 14:34 Кариев театры “Әкияти палитра” фестиваленнән җиңү яулап кайтты. (Казан, 24 сентябрь, “Татар-информ”, Рузилә Мөхәммәтова). Г.Кариев исемендәге Казан татар дәүләт яшь тамашачы театрының баш режиссёры, Татарстанның атказанган сәнгать эшлеклесе, Россия Федерациясенең атказанган артисты Ренат Әюпов Чувашиядә узган “Әкияти палитра” милли яшьләр һәм яшь тамашачылар театрлары фестивалендә “Яшьләр өчен иң яхшы спектакль (режиссура)” номинациясендә җиңү яулады. Бу хакта театрның матбугат үзәге хәбәр итә.
 
История, рассказанная Коркутом в древней Казани…
Сөмбел Гаффарова 11.04.2015Вакыйга автор: М. Хабутдинова, к. филол. н. 10 апреля в Казанском татарском государственном театре юного зрителя им. Г. Кариева состоялась премьера спектакля «Айрыз Батыр» по тюркскому эпосу «Книга деда моего Коркута» по мотивам 11-й главы «Песнь о том, как Казан-Салор попал в плен и как его сын Урыз освободил его». Оригинальная версия пьесы-сказки «Айрыз Батыр» представлена творческим тандемом главного режиссера театра, заслуженного артиста России, заслуженного деятеля искусств Татарстана - Рената Аюпова и татарского поэта Ркаиля Зайдуллы, лауреата Государственной премии РТ им. Г. Тукая (2009), им. М. Джалиля.
 
Кариев театры 29 нчы сезонын “Артист” премьерасы белән япты
http://tat.tatar-inform.ru/news/2016/05/27/121414/                             Версия для печати 27 май 2016,22:05 Әсәр Габдулла Кариевның тууына 130 ел тулуга багышлап иҗат ителгән (Казан, 27 май, “Татар-информ”, Лилия Локманова). Бүген Г.Кариев исемендәге Казан татар дәүләт яшь тамашачы театры “Артист” моңсу комедиясе премьерасы белән үзенең 29 нчы театраль сезонын япты. Ркаил Зәйдулла пьесаны актер, драматург, режиссёр Габдулла Кариевның тууына 130 ел тулу уңаеннан, аның бердәнбер әсәренә нигезләп язган. Спектакльнең режиссеры − Россиянең атказанган артисты, Татарстанныж атказанган сәнгать эшлеклесе Ренат Әюпов, рәссамы − РФның һәм Калмык Республикасының атказанган сәнгать эшлеклесе Валерий Яшкулов, композиторы − Алмаз Әсхәдуллин, балетмейстеры − Флера Янышева.
 
Г.Кариевның каберенә чәчәкләр салу тантанасы узды
Татар халкының үткәнен, бүгенгесен һәм киләчәген театрдан, татар театрын Габдулла Кариевтан башка күз алдына китереп булмый – Разил Вәлиев Версия для печати 6 май 2016,13:35 Яңа Татар бистәсе зиратында татар милли театрына нигез салучыларның берсе булган Г.Кариев каберенә чәчәкләр салу тантанасы уздырылды   (Казан, 6 май, “Татар-информ”, Ләйсән Исхакова). 8 майда татар халыкының мәшһүр актеры, режиссеры, татар милли театрына нигез салучыларның берсе булган Габдулла Кариевның (1886 – 1920) тууына 130 ел тула. Шул уңайдан бүген, мөселманнар өчен изге җомга көнендә, Казанның Яңа Татар бистәсе зиратында аның каберенә чәчәкләр салу тантанасы уздырылды, татар җәмәгатьчелеге әлеге шәхес турында хәтер яңартты.