Габдулла Кариев театры репертуары

  • "Артист"

    "Артист" (комедия)

    Спектакль 19 гасырның реаль вакыйгаларына нигезләнгән, анда татар театрының тууы турында бәян ителә. Кешеләр яңа формалар барлыкка килүен тоялар, шушы шартларда үзләрен табарга омтылалар. 

    Шушы вакыйгалар барышында “Сәйяр” труппасы төзелә, ул үз тамашачысына Галиәскәр Камалның “Бәхетсез егет” спектаклен тәкъдим итәргә җыена. Труппаның режиссеры Габдулла Кариев (бунтарь йөрәкле кеше һәм татар театрын төзү идеясенә фанатларча ышанучы) һәм аның дусты, яшь актер Сакмарский афишалар эләләр, “Шәрекъ” клубына кайтып, артистларның репетициягә килүен көтәләр.

  • "Башмагым"

    "Башмагым" (музыкаль комедия)

    Кәрим бай Түбән Новгород ярминкәсендә үз товарын уңышлы гына сатып, һәрвакыттагыча, бәйрәм оештыра. Ә икенче көнне аны талаганнары ачыклана. Һәм товар сатудан кергән табышны гына түгел, ә бәлки Зыя байдан бурычка дип алган 58 мең сумлык вексельләрне дә урлаганнар. Зур суммада акча югалтудан “башын югалткан” Кәрим бай очраклы рәвештә генә Түбән Новгородта Казанга китеп баручы Зыя бай белән очраша. Зыя бай исә Казанда үзенә дүртенче хатын эзләргә җыена имеш. 

    Кәрим байны талауларын белеп алган Зыя бай аңа үзенең шушы югалган вексельләр исәбенә Кәрим байның кече кызы Сәрвәргә өйләнә алуын сиздерә. Кәрим бай мондый тәкъдимнән баш тарта. Ләкин шунда ук 58 мең сумлык вексельләрне барыбер кайтарып бирергә туры киләчәген исенә төшереп, үзенең карарын үзгәртә: Сәрвәрне зыя байга кияүгә бирергә ризалаша. Кәримнең ризалыгын алган Зыя бай кәләшкә вәгъдә бүләге буларак 500 сумлык бик матур башмаклар биреп җибәрә.

  • "Бер мәхәббәт тарихы"

    "Бер мәхәббәт тарихы"

    Олы яшьтәге карт белән карчык чүплектә очрашып, буш шешә аркасында әрләшеп китәләр. Ләкин, яшәгән еллар үзенекен итә, сүз иярә сүз чыга, алар уртак тел табалар, чөнки икесе дә күпне күргән... Язмышлары да охшаш: сугыш афәте икесен дә сөйгәннәреннән аерган, икесе дә бүгенге көндә ялгыз калганнар.

  • "Галиябану"

    "Галиябану"

    “Мирхәйдәр Фәйзи “Галиябану» пьесасын 1916 елда, Беренче бөтендөнья сугышы чорында язган. Бер әсәр үрнәгендә күп кенә музыкаль драма һәм пьесалар язылган. Соңрак опера, балет булып үскән мили музыкаль театр да “Галиябану”дан башланып китә.  “Галиябану” музыкаль драмасы алар арасында аерым урын алып тора, чөнки М.Фәйзи авыл яшьләре арасындагы саф хисләрне ачып, үзенең туган халкына мәхәббәтен чагылдыруда югары дәрәҗәгә ирешкән.  Һәм иҗатында үзәк урыннарның берсен алып торган “Галиябану” әсәре Мирхәйдәр Фәйзине татар халкына  аеруча якынайта.  Автор аларны шаккатыргыч дәрәҗәдә эчкерсез, көчле итеп гәүдәләндерә һәм бу аның әсәрләрен мәңгеләштерә. М.Фәйзинең бу әсәре аның шәхси иҗатын бәяләүдә генә түгел, ә татар театры һәм татар драматургиясе үсешендә дә зур роль уйный.

  • "Гашыйклар утравы"

    "Гашыйклар утравы" (комедия)

    Вакыйгалар Инсаф хезмәт иткән хәрби частьта башланып китеп, аның туган авылы Атсөярдә дәвам итә. 

    Армия сафларында хезмәт срогын тутырган Инсафны туган авылына озаталар. Ул Атсөяр авылыннан, аны анда сөйгән кызы Ләйсән зарыгып көтә. Тимер юл вокзалында Инсаф үзе кебек үк армиядән кайтып килүче татар егетләре – Данияр белән Степанны очрата. Алар сөйләшеп китәләр һәм юл уңаенда Инсаф аларны үз авылларына берничә көнгә кунакка кайтып килергә чакыра. Ул авылда аларга чибәр кызлар булачагына да ышандыра.  Кызлар дигәндә егетләрнең күзләре кыза, алар бик шатланып риза булалар.

  • "Куян Эдвардның гаҗәеп сәяхәте"

    "Куян Эдвардның гаҗәеп сәяхәте"

    Инглиз язучысы Кейт Дикамиллоның балалар өчен язылган әсәре буенча сәхнәләштерелгән әлеге әкият балалар һәм өлкәннәр өчен дә кызыклы. Кечкенә кызчык Абилинның әбисе аның туган көненә фарфор курчак – Эдвардны бүләк итә. Бик матур киемнәрдән торган гардеробына өстәп ул кроликка алтын сәгать тә ясатып алган була. Абилин курчакны шулкадәр нык ярата, ә куян исә үзеннән башка беркемне дә яратмый. 

    Язмыш җилләре куян Эдвардны төрле авыр сынаулар алдына куя, аның юлында бик яхшы кешеләр дә очрый, начарлары да була.  Һәм менә шушы сынаулар Эдвардка дуслыкның, яратуның нәрсә икәнен аңларга ярдәм итәләр. Сынаулар аша Эдвард үзе дә үзгәрә,  чөнки “әгәр дә синең яратырга һәм яратылырга теләгең юк икән, “тормыш” дигән сәяхәтнең бер мәгънәсе дә булмаячак”.

  • "Саранлыктан дәва"

    "Саранлыктан дәва"

    Әкияттә Убырлы карчыкның саранлык һәм усаллык тулы сандыгы Урман хуҗасының кулына эләгә. Урман хуҗасы аны үзенең базында саклый ә аның йортында Бүре абзый сакчы булып тора. 

    Убырлык карчык төрле хәйләләр белән сандыкны кулга төшерергә тели һәм көннәрнең берендә ул алдап-йолдап Урман хуҗасы йортына керә, саранлык порошогын алырга тели, ләкин ялгышлык белән Саранлык бөтен дөньяга тарала.  

  • "Супер кияү" ("Алты кызга бер кияү")

    "Супер кияү" ("Алты кызга бер кияү", комедия)

    Вакыйга бухгалтериядә бара. Андагы эш шактый бертөсле, бухгалтерия гомумән, күңелле вакыйгаларга саран җир. Әмма, монда, алты хатын-кыз эшләгән бухгалтериядә эшләр икенчерәк. Чөнки алты хатын-кыз янында бер бик җор холыклы, мәзәкчән, шаян телле, җыр сөюче, киң күңелле бер ир-ат та эшли. Халыкта шадра йөрәк яндыра дигән гыйбарә бар. Рәхмәтулла Хөрмәтуллович та, күрер күзгә бик алай чибәрләрдән булмаса да, кешеләрне үзенә тартып тора. Сөйкемле сөяге бар үзенең.

  • "Убыр-шоу"

    "Убыр-шоу" (әкият)

    Кышкы урман. Барлык җәнлекләр, хайваннар, кош-кортлар Яңа ел килеп җитүен сизенәләр, куаналар, Яңа елны каршы алырга әзерләнәләр. Ләкин бу Яңа ел шартлыкларына, куанычларына Убырлы карчыкның бик нык ачуы килә. Ул урманда яшәүче кош-кортларны, җәнлекләрне үзенең салкын җилләре, кар-бураннары белән җәфалый. Убырлы карчык шатланган җәнлекләрне, кош-кортларны яратмый, чөнки ул ялгыз, аның дуслары  юк. Шуңа күрә, ул җәнлекләрне шатлыкларыннан туктатырга тели.

    Ә көннәрдән бер көнне ул барлык җәнлекләр, кош-кортларны кар белән каплап китә. Шул рәвешле иске ел хуҗасы Маймыл да кар астында күмелеп кала.  Ә ул киләсе Яңа ел хуҗасы Әтәчне эзләп ерак илләрдән юлга чыккан була. Маймыл кар астыннан чыгып, башкаларны да кардан арындыра, ә аннары алардан Әтәчне табарга ярдәм итүләре сорый. Чөнки ул Яңа ел вазыйфаларын Әтәчкә тапшырырга тиеш.

  • «Нигез ташлары»

    «Нигез ташлары»

    Гарифулла карт үзенең хатыны Гөлҗиһан белән авылда яши, ә аларның дүрт улы шәһәрдә яши.  Һәркайсының үз тормышы, үз юлы... 
    Көннәрнең берендә алар җыелышып әтиләре йортына кайтып төшәләр, “әтиләре үлем түшәгендә” ята. Шул рәвешле, мөһим мәсьәләләрне чишәр өчен Гарифулла карт аларның барысын бергә җыя. Ә ул проблемалар бик күп икән бит...

Битләр