Театр турында - матбугат

  • "Без туган бер җепкә бергә теркәлеп..."

    Габдулла Кариев

    Нурлат төбәгендә туып-үскән, яшәгән кеше өчен мәдәни тормышның һәрчак кайнап торуы һәм бу кайнарлыкның Казан белән бер сулышта булуы табигый хәл. Әле 3 майда гына Нурлат районы Кизләү авылында күренекле мәгърифәтче, дин галиме Әхмәдзәки хәзрәт Сафиуллин истәлегенә фәнни-гамәли конференция уздырылды. Ә менә 8 майда бай тарихлы, борынгы Колбай Мораса авылы актер һәм режиссер, татар профессиональ театр труппасына нигез салучыларның берсе булган Габдулла Кариевның туган көне уңаеннан башкала кунакларын каршылады.

  • “Мәхәббәт күгәрченнәре”

    “Мәхәббәт күгәрченнәре”

    Г.Кариев исемендәге татар яшьләр театры шактый вакыт “Әкият” курчак театры бинасында “фатирда” торганнан соң, элекке “Победа” кинотеатрының яңадан сипләнгән бинасына күчте. Театрның үз өендә тамашачыга күрсәткән беренче премьерасы – “Мәхәббәт күгәрченнәре” спектакле.

    Владимир Гуркинның “Любовь и голуби” әсәрен татар теленә Хәбир Ибраһимов тәрҗемә иткән. Спектакльнең режиссеры – Ренат Әюпов, рәссамы – Иршат Азиханов, хормейстеры – Лилия Зәйнуллина, балетмейстеры – Нурбәк Батуллин, дизайнеры – Розалина Мусабирова. 

  • Кариев театры артистлары кыйблага карап уйный: Татар яшьләр театры һәм аның яңа бинасы турында 24 мөһим факт

    Быел 26 апрель көнне Г.Кариев исемендәге Казан Татар дәүләт яшь тамашачы театры Казан үзәгендәге яңа бинага күченде. “Ниһаять, театрның үз куышы булды. Бу вакыйганы бик озак көттек. Аллага Шөкер, шушы көнгә килеп җиттек”, - дип шатлыгын уртаклашты театр директоры Мансур Ярмиев. "Интертат" электрон газетасы сезне бу яңа бинага экскурсиядә дәшә. Театр турында - 7, аның бинасы турында 17 факт тәкъдим итәбез.

  • Татарстанда беренче тапкыр татарча тифлокомментарийлы спектакль күрсәтелде

    Бүген Кариев театры, Татарстанда беренчеләрдән буларак, татар телендә тифлокомментарийлы “Куян Эдвардның гаҗәеп сәяхәте” спектаклен чыгарды. Кариев театрына спектакль карарга Кариев театры директоры Мансур Ярмиев сүзләренчә, 35 сукыр һәм начар күрүче җыелды.

  • М.Ярмиев татарча тифлокомментарийлы спектакль турында: Театрда бөтен уңайлыклар тудырылган

    Кариев театры Татарстанда, мәдәният һәм сәнгать учреждениеләреннән беренче буларак, татар телендә тифлокомментарийлы спектакль чыгарачак. 20 май көнне “Куян Эдвардның гаҗәеп сәяхәте” спектакле татарча тифлокомментарийлар белән күрсәтеләчәк. Бүген “Татар-информ” мәгълүмат агентлыгында узган матбугат конференциясендә оештыручылар социаль әһәмияткә ия әлеге чара турында тулырак мәгълүмат бирде.

  • Үзебез яшь, тарихыбыз чал

    Үзебез яшь, тарихыбыз чал

    Габдулла Кариев исемендәге Казан Татар дәүләт яшь тамшачы театры май аенда үзенең утыз еллыгын билгеләп үтәчәк. Күптән түгел театр яңа бинага да күченде. Менә шундый күңелле вакыйгаларга, мәшәкатьләргә төренеп язга аяк басты республикабызның иң яшь дәүләт театрларының берсе. Яшь булса да аның инде данлы тарихы, горурланып сөйләр эшләре, иртәгәге көнгә бихисап планнары бар. Театр директоры Мансур Ярмиев белән әңгәмәбез нәкъ шул хакта.

  • Көтеп алган бәхет кадерле

    «Мәхәббәт күгәрченнәре»

    Һәр гаиләнең тарихында аеруча истәлекле, бәхетле вакыйгалар була: гаилә кору, беренче бала туу, өй туе... Габдулла Кариев исемендәге Казан Татар дәүләт яшь тамашачы театры «гаиләсендә» бу арада нәкъ шундый зур бәйрәм: театр Петербург урамы, 55Б адресы буенча урнашкан яңа нигезгә күченде. Бу шатлыкны уртаклашырга дип журналистларны дә кунакка дәштеләр һәм «Мәхәббәт күгәрченнәре» премьерасы белән «сыйладылар».

  • Кариевлар яңа бинада. "Бер рус сүзе дә кыстырмаячакбыз"

    Кариевлар яңа бинада

    Кариевлар яңа бинага спектакль карарга килүче татарча аңлаган яшьләр артыр, декорация, агач эшләре цехларына да урын табылыр дип өметләнә. Театрда эшләүчеләр яңа бинага куана.

    Габдулла Кариев исемендәге яшь тамашачы театры 26 апрельдә "Куян Эдвардның гаҗәеп сәяхәте" спектакле белән тамашачыга яңа бина ишекләрен ачып җибәрде. Театрда эшләүчеләр дә, артистлар да зур куанычта.

    "Руслар да колакчын алмаска тырыша"

  • Тормышым - театр

     Фирүзә Зинәтуллина

    Аның исеме шарлавык белән бәйле. Әзербәйҗаннарда Фирүзә шарлавыгы турында бер риваять бар. Фирүзә исемле кыз биек кыядан сикергән дә шаулап торган шарлавыкка әверелгән. Кариев театры артисты Фирүзә Зинәтуллинаның әтисе әлеге риваятьне ишеткәннән соң кызына шул исемне кушкан. 

  • Кариев театры бүтән "квартирант" түгел

    Кариев театры

    Гладилов урамында урнашкан бинада да, «Әкият» балалар үзәгендә дә, үзләре әйтмешли, «квартирант» булып торган алар. Һәм, ниһаять, күптән көтелгән вакыйга – театрның үз бинасы ишекләрен ачты. Гадәттә, яңа фатирга башта мәчене кертәләр. Бу юлы театр актерлары журналистларны кертте. Хәер, бу һөнәр ияләренең аяклары җиңел булырында шикләре юк аларның.

Битләр