Театр турында - матбугат

  • Кариев театры наркоманияне пәрәвез белән чагыштырды

    Кариев театры наркоманияне пәрәвез белән чагыштырды

    Йә, Раббым, мондый афәттән саклый күр» – 26нчы октябрь көнне Габдулла Кариев исемендәге Яшь тамашачылар театрында узган премьерадан соң, тамашачының күңелендә шундый уй туды. Арттырып әйтү түгел: олы яшьтәге апаларның күзләрендәге яшь бөртекләрен без дә күрдек.

  • «Ут чәчәге» премьерасыннан соң туган уйлар: бәхетсез балалар гына наркоман буламы?

    «Ут чәчәге» премьерасыннан соң туган уйлар: бәхетсез балалар гына наркоман буламы?

    Кариев исемендәге Казан Татар дәүләт яшь тамашачы театры сезон ачылышы вакытында ук тамашачыны шаккатырачаклары турында әйткән иде инде. Зиннур Хөсниярнең «Ут чәчәге» пьесасы буенча куелган театрның беренче премьерасы да нәкъ менә шундый шаккатыручы спектакль булды. Төп герой Мәликә (Рузанна Хәбибуллина): «Буш баш, буш кесә», – дип җырлый-җырлый, сәхнә буйлап арлы-бирле сикереп йөри, башка актерлар әллә нинди оятсыз хәрәкәтләр ясый...

  • “УТ ЧӘЧӘГЕ” КАПКЫНЫНА НИЧЕК ЭЛӘКМӘСКӘ?

    “УТ ЧӘЧӘГЕ” КАПКЫНЫНА НИЧЕК ЭЛӘКМӘСКӘ?

    “Ут чәчәге” спектакле – Габдулла Кариев исемендәге Казан дәүләт яшь тамашачылар театрында быелгы сезонның беренче премьерасы. Әлеге пьесаны Зиннур Хөснияр шушы театр труппасы өчен махсус язган. Әсәр заманага тәңгәл килеп тора: банк картасыннан икенчесенә акча күчерү, WhatsApp кебек мессенджерларны куллану кебек гамәлләр әсәрнең безнең көннәрдә язылганын аерымачык күрсәтә. Спектакльне сәхнәгә куючы режиссер, Татарстанның атказанган артисты Илфат Камалиевның да актерлар белән бергә элемтәдә булып, аларның костюмнарын бүгенге көнгә тәңгәл китереп ясаганын күрәбез.

  • Кариев театры бәхәскә батты: Нурбәк Батулла барабаны һәм Гүзәл Сәгыйтова сандыгында кем нәрсә күргән?

    Кариев театры бәхәскә батты: Нурбәк Батулла барабаны һәм Гүзәл Сәгыйтова сандыгында кем нәрсә күргән?

    Кичә Г.Кариев исемендәге татар дәүләт яшь тамашачы театры яңа сезонын "Алтын битлек" милли театр премиясе лауреаты Нурбәк Батулланың перформансы белән ачып җибәрде. Әмма бу перфоманс татар җәмәгатьчелеге вәкилләре арасында шау-шу куптарды: кайберәүләр аны милләтнең символларын бетерү фалы дип бәяләделәр. "Татар-информ" мәгълүмат агентлыгы тамашачыларның фикерләрен туплап, перфомансның чын идеясен ачыкларга тырышты.

  • «Өзелгән җепләрне ялгыйсы иде» – Кариев театры нәрсә турында хыяллана?

    Берара татар театр сәнгатендә Кариев театры онытылып торган иде. Дөрес, ул үз эшен туктатмады, спектакльләр чыгарып тордылар, мәктәпләргә һәм балалар бакчаларына йөрделәр, хәтта армиядә хезмәт итүчеләр янына да бардылар. Ләкин шулай да бу театр арткы планда кала бирде. Бу аңлашыла да, Камал, Тинчурин, Әлмәт, Түбән Кама, хәтта кечкенә генә Әтнә театры фонында да Кариев театры тоныграк күренә. Ләкин соңгы вакытта бу театр турында сөйләшә башладылар. Гади сөйләшү генә дә түгел, эш башланды.

  • Кариев театрын нинди яңалыклар көтә?

    Кариев театрын нинди яңалыклар көтә

    4 октябрь көнне Габдулла Кариев исемендәге Казан Татар дәүләт яшь тамашачы театры яңа сезонын ача. Бу ел театр өчен чыннан да үзгәрешләр алып килде. Беренчедән, театр яңа, үз бинасына күченде. Икенчедән, биредә хәзер яңа директор – Гүзәл Сәгыйтова. Яңалыклар әле моның белән генә чикләнми...

    Җәлилдән – Исхакыйга кадәр

  • Яңа сезонда бар да яңача

    Яңа сезонда бар да яңача

    Әле күптән түгел генә “квартирант” булудан туктап, яңа биналы булган Казан Татар дәүләт яшь тамашачы театрында кабат бәйрәм: 31нче сезон ачылышы. Юбилей сезонына театр зур үзгәрешләр белән аяк баса. 5 сентябрьдә театр коллективына яңа җитәкче – “Калеб” проектына нигез салучы Гүзәл Сәгыйтова тәкъдим ителде. Театр хезмәткәрләре дә, тамашачылар да биредә быел, һичшиксез, яңа сулыш тоячак. 

  • Кариев театрында ребрендинг: үзгәрешләр логотиптан башланып фойе һәм залларга да кагылачак

    Кариев театрында ребрендинг: үзгәрешләр логотиптан башланып фойе һәм залларга да кагылачак

    Киләчәктә Кариев театрының залы трансформацияләнә торган булырга мөмкин. Яңа театр сезоны ачылыр алдыннан оештырылган матбугат конференциясендә театрның баш режиссеры Ренат Әюпов Мейерхольд үзәге кебек үзгәртелә торган залда эшләү хыялы белән уртаклашты.

    “Баштан ук шулай хыяллансак та, ул безнең килеп чыкмаган иде. Клуб системасындагыча утыргычлы зал эшләнде. Ләкин алга таба финанслар табып бу залны үзгәртү теләге бар”, - диде ул.

  • Кариев театры премьералар парады вәгъдә итә

    Кариев театры премьералар парады вәгъдә итә

    Кариев театры быел тамашачысына премьералар парады вәгъдә итә. Яңа театр сезоны ачылыр алдыннан Кариев театры матбугат конференциясе үткәреп, үзенең алдагы планнары белән таныштырды.

    Матбугат конференциясен театрның яңа директоры, шактый еллар еллар журналист булып эшләгән һәм “Калеб” иҗат берләшмәсен оештырган Гүзәл Сәгыйтова үзе алып барды. Журналистлар белән театрның баш режиссеры Ренат Әюпов, иң олпат актеры Нуриәхмәт Сафин һәм театрның балетмейстеры, “Алтын битлек” милли театр премиясе лауреаты Нурбәк Батулла очрашты.

  • Камал театры Кариев театрына “Һөнәр” фестивален бүләк итә

    Камал театры Кариев театрына “Һөнәр” фестивален бүләк итә

    Камал театры үзенең ун ел дәвамында алып барган “Һөнәр” яшь режиссура фестивален Кариев театрына бүләк итәргә әзер. Бу хакта бүген дәүләт театрларының яңа сезоны ачылу уңаеннан үткәрелгән брифингта әйтелде.

    Татарстан театрларында яңа сезон ачылу темасына багышланган брифингта Камал театрының әдәби бүлек мөдире Нияз Игъламов быел “Һөнәр” фестиваленең унынчы тапкыр үткәрелүен искәртте. Быел фестиваль 3-9 декабрь көннәрендә үткәреләчәк.

Битләр