Театр турында - матбугат

  • Иң яхшысы – балаларга

    "Саранлыктан дәва"

    Габдулла Кариев исемендәге Казан Татар дәүләт яшь тамашачы театры 1987нче елда Мәгариф министрлыгы каршында Татар театр-студиясе буларак оештырылган. Быел бу театрның тарихында үзенчәлекле вакыйга: 1988нче елның 25 нче февралендә Диас Вәлиевнең «Намус хөкеме» спектакле беренче премьера буларак сәхнәдә куелган булган. 30 яшьлек гомерендә саллы коллектив һәм репертуар туплаган яшь тамашачы театры балалар өчен дә тәрбияви, мавыктыргыч премьералар хәзерләве белән ихтирам яулый.

  • Габдулла Кариев театры журналистларга яңа спектакль тәкъдим итте

     “Саранлыктан дәва”

    Габдулла Кариев исемендәге Казан татар дәүләт яшь тамашачы театры журналистларны Владимир Илюховның Халисә Уразова тәрҗемәсендә сәхнәләштерелгән “Саранлыктан дәва” исемле әкиятен тәкъдим итте.

    Спектакльнең премьерасы 14 февральдә Казанның “Әкият” курчак театрында узды.

    Әкиятне яшь режиссер Эльдар Гатауллин сәхнәләштергән. “Саранлыктан дәва” — режиссерның беренче спектакле.

    Әлеге сценарий “Татнефть” компаниясенең социаль проектында “Экология” номинациясе буенча “Грант” откан.

  • Әллә без артык яктырып, нурланып киттекме соң?

    “Керпе малае дуслар эзли”

    19 февраль Актанышта театр көне булды дисәк тә, һич ялганлау булмас. Район халкы бу көнне Г.Кариев исемендәге Казан Татар дәүләт яшь тамашачы театры сәхнәләштергән әсәрләрне тамаша кылды.

    Көндезге сәгатьләрдә Әлфия Афзалова исемендәге район мәдәният йортында балалар өчен “Керпе малае дуслар эзли” спектакле куелды. Ике тапкыр күрсәтелгән әлеге сәхнә әсәрен балалар бакчалары нәниләре дә, мәктәп укучылары да бик җылы кабул итте.

  • Татарстан Республикасы Премьер-министры Алексей Песошин иң яхшы мәдәният хезмәткәрләренә бүләкләр тапшырды

    Ярмиев Мансур Зиннур улы

    Бүген Татарстан Республикасы Мәдәният министрлыгының йомгаклау коллегиясендә эшләрендә аеруча уңышка ирешкән хезмәткәрләр бүләкләр алды. Аларны Татарстан Республикасы Премьер-министры Алексей Песошин тапшырды. Казан шәһәренең “П.И.Чайковский исемендәге 1нче балалар музыка мәктәбе” муниципаль бюджет өстәмә белем бирү учрежденисенең скрипка классы буенча укытучысы Макухо Владимир Алексеевич Татарстан Республикасы Президенты Указы белән нәтиҗәле эше һәм мәдәният үсешенә керткән өлеше өчен “Фидакарь хезмәт өчен” медале белән бүләкләнде.

  • Г.Кариев театрында “Куян Эдвардның гаҗәеп сәяхәте” тамашасының пресс-спектакле күрсәтелде

    “Куян Эдвардның гаҗәеп сәяхәте”

    20 декабрь көнне Г.Кариев исемендәге яшь тамашачы театрында “Куян Эдвардның гаҗәеп сәяхәте” спектакленең премьерасы узачак. Кичә тамашаның пресс-спектакле күрсәтелде. Спектакль барышын күзәтүчеләр арасында “Татар-информ” хәбәрчесе дә бар иде.

    Тамаша Кейт Дикамилло әсәре буенча сәхнәләштерелгән. Спектакльнең режиссеры, Татарстанның атказанган сәнгать эшлеклесе Ренат Әюпов әлеге әкият гаилә белән карау өчен туры килә, дип саный.

Битләр