Габдулла Кариев театры яңалыклары

  • Кариев театрында Фирүзә Зинәтуллинаның юбилей кичәсе узды

    Фирүзә Зинәтуллинаның юбилей кичәсе

    Юбилеена багышлап спектакль куелу – бөтен артистларга да эләгә торган бәхет түгел. Кичә Кариев театрының өр-яңа сәхнәсендә өр-яңа спектакль премьерасы белән беренче зур юбилеен уздырган актриса Фирүзә Зинәтуллинага кызыгып, хезмәттәшләре шушы фикерне җиткерделәр.

  • Алсу Фәйзуллинаны туган көне белән котлыйбыз!

    Алсу Фәйзуллина

    Бүген, 29нчы апрель көнне, Кариев театры артисткасы Фәйзуллина Алсу Фәнис кызының туган көне! 

    Алсу Фәнис кызы бик күп спектакльләрдә уйнап, тамашачының күңелен яулаган артист! Театрыбыз коллективы исеменнән чын күңелдән Сезгә күп санлы тамашачы мәхәббәтен, саулык-сәламәтлек, иҗади уңышлар, ак бәхетләр теләп калабыз! 

    Озын булсын гомерең, 
    Тыныч булсын hәрчак күңелең. 
    Бәхет чишмәләрең мул аксын, 
    Зур шатлыклар белән таң атсын. 

  • Премьера белән, дуслар!

    Премьера белән, дуслар!

    Бүген, 28 апрельдә, Габдулла Кариев исемендәге Казан Татар дәүләт яшь тамашачы театрында тамашачыларга премьера — Владимир Гуркин әсәре буенча куелган «Мәхәббәт күгәрченнәре» комедиясе тәкъдим ителде. Режиссер - Татарстан Республикасының атказанган сәнгать эшлеклесе, Россиянең атказанган артисты Ренат Әюпов.
    Тәрҗемәче – Хәбир Ибраһим.
    Спектакль зур аншлаг белән узды. Иртәгә, 29нчы апрельдә, премьераның икенче көне. Рәхим итегез!

  • Нуриәхмәт Сафинның иҗат эшчәнлегенә 50 ел тулды

    Нуриәхмәт Сафинның иҗат эшчәнлегенә 50 ел тулды

    Театрга нигез салучыларның берсе, Россиянең атказанган һәмТатарстанның халык артисты, театрыбызның аксакалы Нуриәхмәт Сафинның иҗат эшчәнлегенә 50 ел тулды. Бу уңайдан 27нче апрель көнне Кариев театрының яңа сәхнәсендә тамашачыларга, төп рольдә Нуриәхмәт Сафин уйнаган, “Супер кияү” (Т.Миңнуллин) бенефис-спектакле тәкъдим ителде.

  • Яңа сәхнәгә - яңа декорацияләр

    Яңа сәхнәгә - яңа декорацияләр

    26нчы апрельдә, театрның яңа бинасы тантаналы рәвештә ачылганнан соң, театрда мәшәкатьләр белән тулы эш көннәре башланды.

    Кариев театрының яңа сәхнәсе декорацияләр,  тавыш, ут өчен яңа үзгәрешләр таләп итә. Ә бу үзгәрешләрне тормышка ашыру бик җиңел эшләрдән түгел. 

  • Яңа бинада беренче спектакль аншлаг белән үтте

    Бүген, 26нчы апрель көнне, Кариев театры үзенең иң бәхетле көннәренең берсен кичерә. Чөнки нәкъ бу көндә күптәнге хыял чынга ашты – театрыбызның яңа бинасы ачылды. 

    Яңа сәхнәдә куелган беренче спектакль – “Куян Эдвардның гаҗәеп сәяхәте” (Кейт ДиКамилло) аншлаг белән үтте. Спектакль алдыннан театр директоры Мансур Ярмиев һәм театрның баш режиссеры Ренат Әюпов килгән кунакларны сәламләделәр. Тамашачылар арасында күпчелекне тәшкил иткән балалар геройлар белән бергә куанды, бергә борчылды.  

  • Рөстәм Миңнеханов яңа бинабызны ачты

    Рөстәм Миңнеханов яңа бинабызны ачты

    Бүгенге  көн театрыбыз өчен зур тарихи вакыйга буларак истә калачак – Татарстан Республикасы Президенты Рөстәм Миңнеханов катнашында бинабыз тантаналы рәвештә ачылды. Күптән көтелгән чарабызның бөек Тукаебыз туган көнендә – Туган тел бәйрәме чаралары кысаларында узуы тантанабызга тагы да зуррак мәртәбә өстәде. 

  • Кариев театры халыкара олимпиадада катнашучыларга спектакль күрсәтте 

    Кариев театры олимпиадада катнашучыларга спектакль күрсәтте 

    22-25 апрельдә Казанда татар теле һәм әдәбияты буенча VI Халыкара олимпиада уза. Катнашучыларга бүген, 23 апрельдә, Г.Кариев исемендәге Казан Татар дәүләт яшь тамашачы театры “Гашыйклар утравы” (Р. Сәгъди) спектаклен күрсәтте. 

  • Кариев театрында журналистлар десанты

    Кариев театрында журналистлар десанты

    20 апрельдә Кариев театры  журналистларны яңа бинасында кабул итте.  Аларга  яңа бина буенча экскурсия һәм җитәкчелек белән пресс-конференция оештырылды.  Журналистлар үзләрен кызыксындырган сорауларын бирделәр, киләчәккә планнар, премьералар, репертуар буенча фикер алыштылар. 

  • Кариев театры татар теле һәм әдәбияты буенча VI Халыкара олимпиадада спектакль күрсәтәчәк 

    “Гашыйклар утравы”

    Россия төбәкләрендә һәм чит илләрдә татар телен, мәдәниятен саклау һәм үстерү максатыннан татар теле һәм әдәбияты буенча Халыкара олимпиада үткәрелә. Быел олимпиада VI тапкыр Казанда 23нче апрельдә узачак.

    Кариев театры бу масштаблы чарага үз өлешен кертә. Театр “Әкият” курчак театры бинасында олимпиадада катнашучыларга “Гашыйклар утравы” (Р.Сәгъди) спектаклен күрсәтәчәк.

Битләр