Габдулла Кариев театры яңалыклары

  • Кариев театры Апаста халыкара театрлар фестивалендә катнашты

    Кариев театры Апаста халыкара театрлар фестивалендә катнашты

    16 май көнне "Буа: диалог киңлекләре" халыкара театр фестивале кысаларында Апас районында Габдулла Кариев исемендәге Казан Татар дәүләт яшь тамашачы театры коллективы “Куян Эдвардның гаҗәеп сәяхәте” (К.Дикамилло) спектаклен күрсәтте. 

    Апас мәдәният хезмәткәрләре фестиваль кунакларын зурлап каршы алдылар. Биредә район халкының кунакчыллыгы да, сәнгатькә гашыйк булуы да, милләтләр дуслыгы да чагылыш тапты. Район башкарма комитеты җитәкчесе урынбасары Рөстәм Мингазиев кунакларны җылы сәламләп, уңышлар теләде.

  • Тифлокомментарийлы беренче татар спектакле буенча матбугат конференциясе булачак

    Иртәгә, 17 майда, 14:00 сәгатьтә «Татар-информ» мәгълүмат агентлыгында тифлокомментарийлы беренче татар спектаклен тәкъдим итүгә багышланган матбугат конференциясе була. 

    20 майда Кариев театрында Алишер Усмановның “Яңа караш” хәйрия фонды программасы кысаларында “Республика сукырлар һәм начар күрүчеләр китапханәсе” белән берлектә “Куян Эдвардның гаҗәеп сәяхәте” (К.Дикамилло) спектакле күрсәтеләчәк. Бер үк вакытта сурдотәрҗемә белән дә тәэмин ителү була. 

  • Кариев театры Буадагы халыкара фестивальдә катнаша

    15 май көнне Буада "Буа: диалог киңлекләре" халыкара театр фестивале ачыла. 15-24 майда Татарстанда икенче тапкыр узачак әлеге фестивальдә  Кариев театры “Тантана” театр премиясе лауреаты “Куян Эдвард гаҗәеп сәяхәте” (К.Дикамилло) спектаклен тәкъдим итә.  Фестивальгә Швейцария, Казахстан, Азәрбәйҗаннан, шулай ук күрше Чувашстан, Мари Эл Республикасы, Удмуртия һәм Башкортстаннан иң яхшы театр коллективлары килә.  Буа театр фестивалендә 23 театр коллективы катнаша. Алар үз спектакльләрен Буа театры һәм Буа мә

    15 май көнне Буада "Буа: диалог киңлекләре" халыкара театр фестивале ачыла. 15-24 майда икенче тапкыр узачак әлеге фестивальдә  Кариев театры “Тантана” театр премиясе лауреаты “Куян Эдвардның гаҗәеп сәяхәте” (К.Дикамилло) спектаклен тәкъдим итә. 

    Фестивальгә Швейцария, Казахстан, Азәрбәйҗаннан, шулай ук күрше Чувашстан, Мари Эл Республикасы, Удмуртия һәм Башкортстаннан иң яхшы театр коллективлары килә. 

  • Кариев театры наркотикларга каршы!

    "Алхимик"

    15нче майда Кариев театры артистлары Пауло Коэльоның "Алхимик" әсәре буенча куелган спектакле белән Лениногорск шәһәренә иҗади сәфәргә бара. Спектакль “Наркотикларсыз тормыш” проекты кысаларында күрсәтелә. Флюра Янышева һәм Ренат Әюпов инсценировкасы, Рабит Батулла тәрҗемәсе.

    Заманабызның, иң яман чире наркомания тозагына эләгеп, бик күп яшь гомерләр өзелә... "Алхимик" спектакле шушы афәттән котылу юлларын эзләргә өнди, наркотиклар куллануның фаҗигага алып баруын кисәтә.

  • Яңа татар бистәсе зиратында Габдулла Кариевны искә алдык

    Яңа татар бистәсе зиратында Габдулла Кариевны искә алу

    Габдулла Кариев тууына 132 ел тулуга багышланган чараларның чираттагысы бүген Казанның Яңа татар бистәсе зиратында үтте. Татар зыялылары милли театрның атасы, танылган татар артисты, режиссер Габдулла Кариев каберен зиярәт кылды. Чараны традиция буенча быел да татар театры атасының исемен йөрткән Кариев театры оештырды.

  • Котлыйбыз!

    Закирҗанова Рәмзия Зирәк кызы

    Бүген, 10нчы май көнне, Татарстан Республикасының атказанган артисткасы Закирҗанова Рәмзия Зирәк кызының да туган көне! 

    Рәмзия Закирҗанова — бик күп спектакльләрдә уйнап, нәфис фильмнарда төшеп, тамашачының күңелен яулаган артист! Театрыбыз коллективы исеменнән чын күңелдән Сезгә күп санлы тамашачы мәхәббәтен, саулык-сәламәтлек, иҗади уңышлар, ак бәхетләр теләп калабыз! 

    Ихтирам белән, Габдулла Кариев театры коллективы 

  • Котлыйбыз!

     Кәлимуллина Алия Габделфәт кызы

    Бүген, 10 майда, Татарстанның атказанган артисткасы Кәлимуллина Алия Габделфәт кызының туган көне. 

    Хөрмәтле Алия Габделфәт кызы! Сезне чын күңелдән туган көнегез белән котлыйбыз! Сезгә исәнлек-саулык, бәхет, иҗади уңышлар, гаилә иминлеге, яңадан-яңа матур рольләр, озак еллар дәвамында театр сөючеләрне куандырып яшәвегезне телибез! 

    Иң изге теләкләр белән, Кариев театры коллективы 

     

  • Кариевлылар Күлбай-Мораса авылында Габдулла Кариевны искә алды 

    8нче май – Габдулла Кариевның туган көне. Татар җәмәгатьчелеге бу көнне татар театрына нигез салучыларның берсе – бөек драматург, актер һәм режиссер Габдулла Кариевны искә ала. 

  • Беркем дə онытылмаган, бернəрсə дə онытылмаган!

    Быел — Бөек Җиңүгә 73 ел. Кариев театры барчагызны да әлеге олы бәйрәм белән тәбрик итә! 

    Бүгенге көндә инде сафлары сирәгәя барган сугыш, тыл ветераннарына без ныклы саулык, балалар,оныклар игелеге телибез. Безне — яшь буынны сөендереп озак яшәсеннәр! 

  • Кариев театрын тифлокомментарийлы беренче татарча спектакль тәкъдим итә

    “Куян Эдвардның гаҗәеп сәяхәте”

    2018 елның 20 маенда Г.Кариев исемендәге Казан Татар дәүләт яшь тамашачы театрында начар күрә торган кешеләргә һәм күзләре күрмәүчеләргә тифлокомментарий бирү юлы белән спектакль күрсәтеләчәк. Бер үк вакытта сурдотәрҗемә белән дә тәэмин ителү була. Тифлокомментарийлы беренче татарча спектакль итеп “Куян Эдвардның гаҗәеп сәяхәте” (К.Дикамилло) сайланды. Бу әкият балалар өчен булса да, гаилә форматында эшләнгән сәхнә әсәре. Башлану вакыты – 14.00 (Петербург урамы, 55б йорты). Тифлокомментатор - Гөлүсә Закирова.

Битләр