Габдулла Кариев театры яңалыклары

  • Кариев театрын тифлокомментарийлы беренче татарча спектакль тәкъдим итә

    “Куян Эдвардның гаҗәеп сәяхәте”

    2018 елның 20 маенда Г.Кариев исемендәге Казан Татар дәүләт яшь тамашачы театрында начар күрә торган кешеләргә һәм күзләре күрмәүчеләргә тифлокомментарий бирү юлы белән спектакль күрсәтеләчәк. Бер үк вакытта сурдотәрҗемә белән дә тәэмин ителү була. Тифлокомментарийлы беренче татарча спектакль итеп “Куян Эдвардның гаҗәеп сәяхәте” (К.Дикамилло) сайланды. Бу әкият балалар өчен булса да, гаилә форматында эшләнгән сәхнә әсәре. Башлану вакыты – 14.00 (Петербург урамы, 55б йорты). Тифлокомментатор - Гөлүсә Закирова.

  • Габдулла Кариев - татар театрының атасы

    Габдулла Кариев

    2018 елның 8 маенда беренче татар профессиональ театр труппасына нигез салучыларның берсе Габдулла Кариевның (Миңлебай Хәйрулла улы Хәйруллин) тууына 132 ел тулды. 

  • Кариевлылар Габдулла Кариевны искә алырга чакыра

    Габдулла Кариев

    2018 елның 8нче маенда  татар театрына нигез салучыларның берсе – бөек драматург, актер һәм режиссер Габдулла Кариев тууына  132 ел тула.

    10нчы майда сәгать 10.00да Габдулла Кариев исемендәге Казан Татар дәүләт яшь тамашачы театры Казанның Яңа татар бистәсе зиратына Габдулла Кариев каберен зыярәт кылачак.  Әдәбият, сәнгать, дин әһелләре, театр коллективы аның рухына дога кылып, каберенә чәчәкләр салачак. 

  • Туган көнегез котлы булсын!

    Бикмеева Сания Рифкать кызы

    6 май – Г.Кариев театрының реквизиторлар цехы мөдире Бикмеева Сания Рифкать кызының туган көне. Кадерле Сания Рифкать кызы! Сезне театр исеменнән гомер бәйрәмегез белән котлыйбыз! Бәхетнең иң зурысын, гомернең иң озынын, шатлыкларның иң олысын юллыйбыз! Һәрвакыт көчле рухлы, кешелекле, сабыр булып калыгыз! Сау-сәламәт булып, теләк-омтылышларыңа ирешергә, башлаган эшләреңнең нәтиҗәсен күреп сөенергә насыйп булсын! 

    Иң изге теләкләр белән, Кариев театры коллективы.

  • Кариев театры Габдулла Кариев туган авылында спектакль күрсәтәчәк

    "Бер мәхәббәт тарихы"

    8нче май – Габдулла Кариевның туган көне. Татар җәмәгатьчелеге бу көнне татар театрына нигез салучыларның берсе – бөек драматург, актер һәм режиссер Габдулла Кариевны искә ала. 

    8нче майда  Габдулла Кариев исемендәге Казан Татар дәүләт яшь тамашачы театры Габдулла Кариевның туган авылы Күлбай-Морасада “Бер мәхәббәт тарихы” (Р.Шәриф) спектаклен күрсәтәчәк. Спектакль Габдулла Кариевның тууына 132 ел тулу һәм Бөек Җиңү көне уңаеннан куела. 

    Спектакль 19.00 сәгатьтә башлана.
     

  • Бөек Ватан сугышы ветераннарын хәйрия спектакленә чакырабыз

    “Бер мәхәббәт тарихы”

    6 майда Габдулла Кариев исемендәге Казан Татар дәүләт яшь тамашачы театры Җиңү көне уңаеннан Казан районнары һәм якын-тирә районнардан Бөек Ватан сугышы ветераннарын, тыл хезмәткәрләрен “Бер мәхәббәт тарихы” (Р.Шәриф) спектаклен карарга чакыра. 

    Сәхнәдә Россиянең атказанган һәм Татарстанның халык артисты Нуриәхмәт Сафин һәм Татарстанның атказанган артисткасы Халидә Сөнгатуллина.

    Спектакль 19.00 сәгатьтә  Казан шәһәре, Петербург урамы, 55б йортта узачак.

    Барыгызны да көтеп калабыз! 
     

  • Афишада үзгәреш

    "Куян Эдвардның гаҗәеп сәяхәте"

    Хөрмәтле тамашачылар! 

    Техник сәбәпләр аркасында 4 майга билгеләнгән "Куян Эдвардның гаҗәеп сәяхәте" спектакле 20 майда 14.00 сәгатькә күчерелә. Театр администрациясе уңайсызлыклар өчен гафу үтенә.

    Касса телефоны: (843) 237-62-51 
    Баш администратор: 8 965 6035787 
     

  • Кариев Театры Ирада Әюпованы Татарстанның мәдәният министры итеп билгеләнүе белән котлый

    Кариев Театры Ирада Әюпованы Татарстанның мәдәният министры итеп билгеләнүе белән котлый

    Татарстан Президенты Рөстәм Миңнеханов архив эше буенча Татарстан Республикасы Дәүләт комитеты рәисе Ирада Әюпованы Татарстан мәдәният министры итеп билгеләде. 

    Әюпова Ирада Хафизҗан кызын чын күңелдән бу яңа, җаваплы вазифасы белән котлыйбыз һәм алдагы эшендә зур уңышлар теләп калабыз! 
     

  • Кариев театрында Фирүзә Зинәтуллинаның юбилей кичәсе узды

    Фирүзә Зинәтуллинаның юбилей кичәсе

    Юбилеена багышлап спектакль куелу – бөтен артистларга да эләгә торган бәхет түгел. Кичә Кариев театрының өр-яңа сәхнәсендә өр-яңа спектакль премьерасы белән беренче зур юбилеен уздырган актриса Фирүзә Зинәтуллинага кызыгып, хезмәттәшләре шушы фикерне җиткерделәр.

  • Алсу Фәйзуллинаны туган көне белән котлыйбыз!

    Алсу Фәйзуллина

    Бүген, 29нчы апрель көнне, Кариев театры артисткасы Фәйзуллина Алсу Фәнис кызының туган көне! 

    Алсу Фәнис кызы бик күп спектакльләрдә уйнап, тамашачының күңелен яулаган артист! Театрыбыз коллективы исеменнән чын күңелдән Сезгә күп санлы тамашачы мәхәббәтен, саулык-сәламәтлек, иҗади уңышлар, ак бәхетләр теләп калабыз! 

    Озын булсын гомерең, 
    Тыныч булсын hәрчак күңелең. 
    Бәхет чишмәләрең мул аксын, 
    Зур шатлыклар белән таң атсын. 

Битләр