Фәрит Хәбибуллинның тууына 77 ел

Фәрит Хәбибуллинның тууына 77 ел

Бүген  күренекле татар җәмәгать эшлеклесе, Татар милли хәрәкәте башында торучыларның берсе, Татар яшь тамашачы театрының беренче директоры һәм режиссеры (1987-2001), Татарстанның атказанган сәнгать эшлеклесе Фәрит Хәбибуллин тууына 77 ел тулган булыр иде.

Фәрит Хәбибуллин 1967-1978 Тубыл һәм Сембер рус театрларында актер. 1978-1985 елларда Республика татар күчмә театрында режиссер. 1985 елда аның тәкъдиме белән, Халык мәгарифе министрлыгы каршында татар театр студиясен ачуга әзерлек эшләре башлана. Соңрак әлеге студия “Казан татар дәүләт яшь тамашачылар театры” дигән исем ала. 1997 елда Фәрит Хәбибуллинга "Татарстан Республикасының атказанган сәнгать эшлеклесе" исеме бирелә.   2007 елның 27 декабрендә вафат.

«Мин бөтен җирдә дә татар халкы турында кайгыртып татар телендә генә чыгышлар ясадым. Бөтен проблема - ул хәзер халкыбызны саклап калу проблемасы. Демократик күзлектән чыгып караганда, татар халкы хәзер бөтенләй тезләндерелә. Аның республикасы юк ителә. Хәзер шушы “о едином стандарте” кануны аркасында, безнең сентябрь аеннан татар теле рәсми рәвештә республикада укытудан туктала. Һәр милләтнең үз телендә укытырга, үз телендә китаплар чыгарырга хакы бар. Ләкин, безне кысалар. Бик авыр хәлдә без.  Фәрит Хәбибуллин»
 

Фото: archive.gov.tatarstan.ru