30нчы сезонның иң яхшы хезмәткәрләре бүләкләнде

30нчы сезонның иң яхшы хезмәткәрләре бүләкләнде

Узган 30нчы юбилей сезоны театрыбыз өчен шатлыклы вакыйгаларга, премьераларга бай булды. Болар: «Саранлыктан дару» әкияте һәм «Мәхәббәт күгәрченнәре» комедиясе. Ә инде «Куян Эдвардның гаҗәеп сәяхәте» (реж. Р.Әюпов) әкияте «Иң яхшы балалар спектакле» номинациясендә «Тантана» Республика театраль премиясенә лаек булды.

Һәр театраль сезон нәтиҗәләренә йомгак ясап, театр җитәкчелеге иң яхшы хезмәткәрләрне билгели һәм аларны бүләкли.

Бүген, 11 октябрьдә, баш режиссер Ренат Әюпов һәм директор Гүзәл Сәгыйтова 30нчы сезонда зур уңышларга ирешкән артист һәм театр хезмәткәрләрен дипломнар белән бүләкләде. Алар коллективка лаеклы эшләре өчен рәхмәтләр белдереп, яңа уңышлы сезон теләделәр.

«Хезмәттә иң югары уңышларга ирешкән өчен» номинациясендә җиңүчеләр:

Балетмейстер – Нурбәк Батуллин; кадрлар бүлеге мөдире – Альвина Минһаҗева; рәссам-дизайнер – Розалина Мусабирова; труппа мөдире – Эльвира Карпухина; әдәби бүлек мөдире – Халиса Уразова; зданиеның коменданты – Фәния Габдрахманова; реквизит цехы мөдире – Сания Бикмеева; реквизитор – Гузель Орехова; режиссер ярдәмчесе – Эльвира Заббарова; костюмер – Эльмира Латыйпова. 

Ел дәвамында иң күп күләмдә роль башкарган актер Илназ Хәбибуллин (175 роль) һәм Алсинә Закировалар;

«Куян Эдвардның гаҗәеп сәяхәте» спектаклендә Абилин, «Мәхәббәт күгәрченнәре»ндә Лилия һәм «Саранлыктан дәва» әкиятендә Куян рольләрен башкарган өчен «Тамашачы мәхәббәте» номинациясендә җиңүче Рузанна Хәбибуллина.

«Иң яхшы эпизодик роль» номинациясендә җиңүчеләр: 
–  Гөлназ Галимуллина «Саранлыктан дару» әкиятендә Мәче, «Мәхәббәт күгәрченнәре» комедиясендә Массажист рольләре өчен.  
Лилия Низамиева «Мәхәббәт күгәрченнәре» спектаклендә Рәисә Идрисовна роле өчен.
– Татарстанның атказанган артисткасы Рәмзия Закирҗанова «Мәхәббәт күгәрченнәре» спектаклендә Хәмдия роле өчен.

 «II планда иң яхшы хатын-кыз роле» номинациясендә җиңүчеләр:
– Татарстанның атказанган артисткасы Гөлнара Абитова «Мәхәббәт күгәрченнәре» спектаклендә Рәисә Идрисовна роле өчен;  
– Татарстанның атказанган артисткасы Энҗе Камалиева «Мәхәббәт күгәрченнәре» спектаклендәге Хәмдия роле өчен.

«II планда иң яхшы ир-ат роле» номинациясендә җиңүче: 
– Татарстанның атказанган артисты Фәнис Кәлимуллин «Мәхәббәт күгәрченнәре» спектаклендә Хәйретдин роле өчен. 

«Иң яхшы хатын-кыз роле» номинациясе җиңүчеләр: 
– Татарстанның атказанган артисткасы Фирүзә Зинәтуллина «Мәхәббәт күгәрченнәре» спектаклендә Надия роле өчен;  
– Татарстанның атказанган артисткасы Алия Кәлимуллина «Куян Эдвардның гаҗәеп сәяхәте» спектаклендә Пелегрина роле өчен.

 «Иң яхшы ир-ат роле» номинациясендә җиңүчеләр: 
– Татарстанның атказанган артисты Илфат Камалиев «Мәхәббәт күгәрченнәре» спектаклендә Васил роле өчен;  
Булат Гатауллин «Куян Эдвардның гаҗәеп сәяхәте» спектаклендә Эдвард роле өчен бүләкләнделәр. 

«Иң яхшы актерлар ансамбле» номинациясе җиңүчеләре – «Куян Эдвардның гаҗәеп сәяхәте» спектаклендә уйнаган рольләре өчен түбәндәге артистларны бүләкләнеде:

Татарстанның атказанган артисты Илнар Низамиев, Эльдар Гатауллин, Лидия Галиева, Ильфат Гибадуллин, Илназ Хәбибуллин, Алсинә Закирова, Алсу Фәйзуллина, Ләйсән Мәхмүтова, Альбина Гайзуллина, Айнур Сафин, Диләрә Зиннәтова, Алсу Шакирова.