12+

Undefined

Ут чәчәге

Афиша фотосы: 
Дата: 
26 октябрь (Җом) | 18:30
«Наркомания белән көрәшеп була!” – Зиннур Хөсняирның әсәре шул хакта бәян итә. Ә бу дөреслеккә туры киләме соң? Мәликә әтисе үлемен бик авыр кичерә, бу вакытта ул бигрәк тә әнисенә мохтаҗ. Ә Гөлчәчәк шәхси тормышы белән мәшгуль. Кыз бу чынбарлык белән яши алмый, аның яратасы һәм яратыласы килә, тик моңа башка дөньяда гына ирешергә мөмкин дип уйлый. Ул наркоманга әверелә... Бу афәттән Мәликәне әнисе коткара алырмы?

Улыбыз өйләнә, без аерылышабыз

Афиша фотосы: 
Дата: 
28 октябрь (Якш) | 18:00
18 яшьлек Гөлүс белән Нәзнинә бер-берләрен яраталар һәм өйләнешәбез диләр. Гөлүснең әти-әнисе – Баязит белән Зөлфия башта аптырап калалар, аннары алларына бәла килеп баса: яшьләргә торырга фатир кирәк. Бу хәлдән чыгуның бердәнбер юлы: алар аерылышырга тиеш! Җиңел, музыкаль, шаяру, эчтәлеге буенча кызыклы әлеге комедия тәрбияви максатларны да күздә тота. Һәм ул яшьләргә үз бәхетеңне үзең төзергә кирәклеге турында искәртә.

Мәхәббәт күгәрченнәре

Афиша фотосы: 
Дата: 
27 октябрь (Шим) | 18:00
Спектакль – легендар фильм “Любовь и голуби”ның театральләштерелгән варианты. Төп герой – Васил хатыны Надия һәм өч баласы белән яши. Надия иренең күгәрченнәр үрчетүен акчаны суга салу дип карый. Көннәрнең берендә Васил эш урынында җәрәхәтләнә һәм аңа диңгез буена юллама бирәләр. Ул анда Рәйсә исемле ханымга гашыйк була һәм нәтиҗәдә диңгез буеннан аның янына кайта. Бу хәбәрне гаилә бик авыр кабул итә. Әмма Васил һәм аның гаиләсе өчен яңа сынаулар башлана гына әле...

Супер кияү

Афиша фотосы: 
Дата: 
25 октябрь (Пнҗ) | 18:30
Вакыйга бухгалтериядә бара. Андагы эш шактый бертөсле. Әмма алты хатын-кыз эшләгән бухгалтериядә эшләр башкачарак. Чөнки алар янында бер бик шаян телле, җыр сөюче, киң күңелле бер ир-ат та эшли. Рәхмәтулла Хөрмәтуллович кешеләрне үзенә тартып тора, сөйкемле сөяге бар. Ә менә шушы алты хатын-кызның һәркайсы белән нинди мөнәсәбәтләр урнаша соң?

Килмешәк

Афиша фотосы: 
Дата: 
21 октябрь (Якш) | 13:00
Тавык кетәклегендә көтелмәгән вакыйга була: бер ояда зур гына йомырка табалар. Көннәрнең берсендә аннан бик зур кош чыкканнан соң, тавык куркып кала һәм аннан баш тарта. Яңа гаилә әгъзасын Килмешәк дип атыйлар. Шул көннән Килмешәкнең маҗараларга бай тормышы башланып китә.

Әйдә барыйк, кызлар карыйк

Афиша фотосы: 
Дата: 
20 октябрь (Шим) | 18:00
«Əйдə барыйк, кызлар карыйк!» ремейкы – поп-арт элементлары кертелгән спектакль.Төп герой Әфләтүн – төнге клуб ди-джее, ул кызларны еш алыштырып тора. Ә аның дуслары – авыл егетләре, Әфләтүн аркасында сөйгән кызларсыз калалар, шуңа күрә аңа сабак бирергә уйлыйлар... Спектакль башыннан алып ахырына кадәр җыр-бию белән үрелеп бара.

Бүре һәм Кәҗә

Афиша фотосы: 
Дата: 
20 октябрь (Шим) | 12:00
Кәҗә дүрт бәтие белән урман аланында яши. Ул һәр иртәдә урманга чыгып китеп, үләннәр җыеп кайта. Китәр алдыннан һәм өйгә кайткач ул кәҗә бәтиләренә җыр җырлый. Бүре кәҗә бәтиләрен тотып ашарга хыяллана, ләкин бәтиләр әниләре сүзеннән чыкмыйлар. Бүре хәйләгә бара. Ул Кәҗәнең җырын ятлый һәм йортына килеп, шушы җырны җырлый. Шуннан нәрсә булыр? Бүре теләгәненә ирешә алырмы?

Зәйтүнәкәй

Афиша фотосы: 
Дата: 
18 октябрь (Пнҗ) | 18:30
Драма татар халкының бөек шагыйре Габдулла Тукай һәм Зәйтүнә Мәүлүдованың саф мәхәббәте турында уйлануларны чагылдыра. “Ни өчен Зәйтүнә белән Тукай кавышмаган?”, “Ни сәбәпле Тукай Зәйтүнәгә карата олы мәхәббәт хисе кичерә торып та аннан баш тарткан?” дигән сорауларга җавап эзләнә. Спектакльнең җыр-моң белән үрелеп баруы тамашачы күңелен яулый, Тукай яшәгән чорга якынайта.

Әлиф

Дата: 
15 октябрь (Дүш) | 19:00
1927 елда татар алфавитының латинга күчерелә. 1939 нчы елда кирилл хәрефләренә күчү сәбәпле, 7 хәреф кыскартыла. Шунлыктан тел үзенең тирәнлеген, аһәңлелеген югалта. “Әлиф” спектакле авторлары, гарәп хәрефләренә нигезләнгән алфавитны бию ярдәме белән язып, борынгы чорда иҗат иткән шагыйрьләрнең әсәрләредәге үз ритмы, формасы, рифмасы, стиле һәм беренчел мәгънә төсмерен тоярга омтыла.

Нигез ташлары

Афиша фотосы: 
Дата: 
14 октябрь (Якш) | 18:00
Гарифулла карт үзенең хатыны Гөлҗиһан белән авылда яши, ә аларның дүрт улы - шәһәрдә. Көннәрнең берендә алар әтиләре йортына кайтып төшәләр, “әтиләре үлем түшәгендә” ята. Шул рәвешле, мөһим мәсьәләләрне чишәр өчен Гарифулла карт аларның барысын бергә җыя. Әмма ул балаларын аңлый алмый. Аны оныгы Флорид кына аңлый, ул аның белән генә уртак тел таба. Үзенең әйтергә теләгән сүзләрен Гарифулла аның аша җиткерә.

Битләр

Subscribe to RSS - 12+